Lífið í Stanfjord

Önnur vika ferðalagsins

2007-06-23T22:39:00.000-07:00

Í stuttu máli að þá brunuðum við frá Tuscon, Arizona, til El Paso, Texas, með skemmtilegri viðkomu í indíánabænum Xavier og kúrekabænum Tombstone. Vorum tvo daga í El Paso þar sem við hvíldum okkur og skoðuðum gamlar kirkjur. Því næst lá leiðin til San Antonio, Texas, með viðkomu í smábænum Fort Stockton. Stoppuðum tvær nætur í San Antonio og skoðuðum borgina. Skoðuðum m.a. hið fræga Alamo og gengum eftir "Riverwalk". Héldum svo til Houston, og stoppuðum á leiðinni í nokkrum smábæjum, m.a. Gonzales þar sem við skoðuðum gamalt fangelsi,og Shiner þar sem við skoðuðum fallega kirkju. Frá Houston keyrðum við yfir til eyjunnar Galvestone Island, þar sem við fundum þessa fínu baðströnd - vissi ekki að Texas byði uppá slíkt! En það er auðvitað bilaður hiti hérna þannig að allar sundlaugar og strendur eru vel þegnar. Nú höfum við verið í New Orleans í tvo daga og höldum til Florida á morgun með viðkomu í Missisippi og Alabama. Við höfum enn ekki orðið vör við mikil ummerki flóðsins í New Orleans að öðru leyti en því að við gistum fyrir lítinn pening á frábæru fimm stjörnu lúxushóteli sem býður hótelgestum uppá heitt súkkulaði og peanut butter and jelly samlokur kl. 22 á hverju kvöldi - magnað hótel! Túrisminn hefur sem sagt legið í smá dvala sem skilar sér í lægra verði til að lokka ferðamenn. Áður en við yfirgefum borgina á morgun ætlum við að skoða ummerki flóðsins til að gera okkur betur grein fyrir þeim hörmungum sem áttu sér stað hér árið 2005. Á mánudag stefnum við að því að vera komin til Orlando. Fáum að gista hjá Maríu Fjólu og Birni og verður María Fjóla með okkur í Flórída og sér um að koma okkur heim 30. júní n.k. ; )
Það hefur ekki gengið nógu vel hjá mér að setja myndir inn á bloggið og læt ég því fylgja myndaslóð með myndum úr annarri viku road trippsins:

http://picasaweb.google.com/vidarludviks/RoadTripWeek2ArizonaNewMexicoTexasLouisiana

All best, B.

Gifting í Vegas!

2007-06-15T00:43:00.000-07:00

Þá erum við búin að hafa það gott með ríka og fræga fólkinu í LA og upplifa skemmtanabrjálæðið í Las Vegas. Skelltum okkur inn í "The World Famous Chapel of the Bells" í Vegas og létum endurnýja hjúskaparheitin. Hittum þar fyrir sennilega 120 ára gamlan hrukkóttan prest, sem reyndist vera þaulæfður í faginu og hefur endurnýjað hjúskaparheit í tugi ára, m.a. fyrir ekki ómerkari mann en Sammy Davis jr. Við erum reyndar enn að spá í hvort presturinn var karlkyns eða kvenkyns, en hann var alla vega sá hrukkóttasti sem við höfum séð. Það var nú bara ansi rómantísk að fara með hjúskaparheitin svona á ensku (repeat after me og allt það...), en athöfnin var að sjálfsögðu tekin upp á hljóðsnældu - það er víst trendið í Vegas.
Gistum í Grand Canyon í nótt. Magnað fyrirbæri. Stefnum svo á þá vinsælu borg Tucson, AZ, á morgun, í eina nótt á leið okkar til El Paso.
Boddí.

Héldum uppá 7 ára afmæli Viðars Snæs tveimur dögum fyrir brottför frá Stanford

Stemmning í boltanum

Viðar og Atli pökkunarmeistarar

Einn kaldur tekinn inn á milli

Yngismærin, Hildur Theodóra, að útskrifast úr Kindergarten

Farin frá Stanford og byrjuð á road trip

2007-06-09T22:52:00.000-07:00

Kvöddum Stanford í dag með miklum söknuði og hófum ferðalagið okkar þvert yfir USA. Gámur með búslóðinni okkar á núna að vera einhvers staðar á leiðinni í átt að Atlantshafinu. Hildur Theodóra og Viðar Snær fengu að hætta viku fyrr í skólanum til að við gætum farið í ferðalag fyrir heimferð, en útskrift Hildar Theodóru úr Kindergarten var haldin hátíðleg á fimmtudaginn. Daginn eftir fór "au-pair ársins", amma Hildur heim til Íslands ásamt afa Lúlla.

Fyrsti viðkomustaður ferðalagsins okkar er Carmel þar sem við erum nú búin að koma okkur vel fyrir á hóteli. Stefnum á góðan og huggulegan brunch á morgun þar sem einkasonurinn á 7 ára afmæli. Að því búnu keyrum við suður Pacific Coast Highway í átt að LA, með viðkomu sennilega í Hearst Castle og Santa Barbara. Við gistum svo enn og aftur á hótelinu hennar Gullu, Roosevelt, í LA í tvær nætur. Því næst verður það Las Vegas í tvær nætur og Grand Canyon í eina nótt. Meira er ekki planað í bili. Stefnum á að setja inn myndir og stuttar línur frá ferðinni okkar.

Boddí.

Útskrift

2007-05-06T22:37:00.000-07:00

Loksins, loksins - útskrift Stanford Law School var haldin hátíðlega í dag. Nú bíðum við bara spennt eftir útskrift litlu gormanna sem verður í júní! Set inn nokkrar myndir af tilefninu.
Boddí.

Allir hressir með prófskírteinið í höndunum

Hildur Theodóra alltaf með pósur við hæfi

Móttaka eftir sjálfa útskriftina

Skytturnar þrjár mættar til leiks - all sharp með bindi í fyrsta sinn!

Boddí og Maria Esmeralda

Litlir gormar á leið í útskrift foreldra sinna

Viðar nettur á sviðinu

Boddí að taka í spaðann á Dean-inum

Meiri myndataka

Stoltir foreldrar ásamt Vidda Lú

Aloha!

2007-04-03T14:17:00.000-07:00

Erum komin til baka frá Hawaii og búin að eignast litla yndislega frænku, hana Arndísi Áslaugu. Prinsessan fæddist í Seattle á miðvikudaginn í síðustu viku, 28. mars. Við hlökkum að sjálfsögðu mikið til að hitta nýja fjölskyldumeðliminn. Hún er algjör rúsínurófa eins og sjá má http://www.gayvis.blogspot.com/
Nú er það lokaspretturinn í náminu hjá gömlu en litlu gormarnir verða í skólanum fram í júní. Þau eru reyndar í spring break þessa vikuna, og amma Hildur er með þau í fullu skemmti- og menningarprógrammi á meðan.
Í dag á amma Addý afmæli og á morgun á Anna Lú afmæli - til lukku!!!
Boddí.

Hildarnar fá sér pínu colada

Gormarnir í góðum gír - Hildur Theodóra sýnir japanskan stríðsmars

Fórum á margar fallegar, en ólíkar strendur. Við þessa strönd snorklaði Viðar innan um kóralrif og fallega fiska og horfðist í augu við skjaldbökur. Ég sá um sólbaðið á meðan.

Í Pearl Harbour á leið um borð í kafbát

Gömul hjón í Perluhöfn á leið um borð í USS Missouri þar sem skrifað var undir friðaryfirlýsingu í lok seinni heimsstyrjaldarinnar

Það er slegist um að kyssa pabba gamla

Við tengdamæðgur héldum okkur á hliðarlínunni og skáluðum bara í kampavíni á meðan. Anna systir fæddi dóttur á sömu mínútu.

Við hvöttum börnin óspart til að fá sér tattoo - loksins féllust þau á það!

Slakað í morgunverði

Little Miss Sunshine

Allt að gerast í sandkökubakstri

Erum flutt!

2007-03-25T09:05:00.000-07:00

Erum flutt og erum á leið til Hawaii. Stanford ákvað að það þyrfti að taka íbúðina okkar í gegn svona rétt áður en við flytjum heim. Fengum tilkynningu með tölvupósti, daginn eftir voru sendir 30 kassar til okkar og nokkrum dögum síðar mætti risastór sendiferðabíll með tveimur fílefldum karlmönnum. Nú erum við flutt í annan garð og fyrir þá sem vilja senda okkur póstkort að þá er nýja heimilisfangið 72 Barnes Court, apt. 106, Stanford 94305, CA. Nýja íbúðin er jafnvel betri en sú fyrri þannig að það eru allir hressir. Nú er bara verið að fara að henda Hawaiiskyrtum og stuttbuxum í töskur því vélin fer eftir nokkra klukkutíma.
Boddí.

Hressir laganemar loksins komnir í Spring Break!!!
Viðar í hressum félagsskap - allir að fagna Spring Break

Viðar Snær var Student of the Week í vikunni sem leið. Viðar pabbi að segja frá ævi og störfum sonar síns.

Hér má sjá allt það helsta um Viðar Snæ!

Viðar Snær með bekkjarfélögunum í kennslustund

Í öllu flutningabrjálæðinu stóð amma Hildur fyrir málun og skreytingum á piparkökum

Kúrekinn í chillinu með pabba sínum

Alltaf huggulegt í Stanford Shopping Center!

Viðar Snær á St.Patrick's Day að fá sér potato með bekkjarfélögunum

Þessa listrænu myndaseríu hér að neðan tók amma Hildur í einni af mörgum dagsferðum um nágrenni Stanford

The three Amigos

Grillað í garðinum með Ellu og Atla

Hildur Theodóra að æfa sundtökin fyrir Hawaii

Litla ballerínan í 1. position

Hildur Theodóra æfir ballet og steppdans einu sinni í viku með Sophiu vinkonu sinni

Like father like son

Rutger og Charlotte í matarboði á gamla Barnes Court

Tvífarar mánaðarins

Viðar á Stanford fjallinu "diskinum" - San Fran í bakgrunni

Inngangurinn að fjallinu - á skiltinu má sjá að það eru fleiri dýr en mennirnir sem fíla "diskinn"

Sumarið að koma í Tanford.

2007-03-04T19:16:00.000-08:00

Sumarið er komið og það styttist vonandi í að ég geti farið að tana mig aðeins. Ég yrði mjög ánægður að losna við hænsnaskíts-litinn, sem er á húðinni núna. Þá næ ég kannski líka að hrista af mér stimpilinn "Grænasti maðurinn á kampus".

Við Boddí skelltum okkur í gær á gala-auction í lagadeildinni, þar sem verið var að safna $$$$ fyrir góðan málstað. Þetta er árlegur viðburður og gríðarlegur spenningur í fólki. Þar var m.a. boðinn upp aðgangur að pókerspili með prófessorunum, skíðaferðir, kvöldverður með víni og samræðum hjá ýmsum prófessorum, viskídrykkja í heila nótt ásamt 9 vinum heima hjá Dean-inum, gestahlutverk í Ugly Betty o.fl. Mesti spenningurinn var yfir aukahlutverki í nýju "24" seríunni, þar sem vinningshafinn á að fá að koma fram í þættinum, hitta leikarana og fá einhverjar gjafir. Menn eiga greinilega nóg af döðlum hérna, því það var slegist um þetta allt saman. Einhver laganemi bauð á móti einhverjum lawyer sem endaði með því að aukahlutverkið í "24" var slegið á $17.000. Klikk. Ég var að hugsa um að leggja góðu málefni lið og láta bjóða upp innkaupaferð með Borghildi í Stanford Shopping Center. Það mæltist hins vegar ekki vel fyrir - menn hafa einfaldlega ekki orku í svoleiðis geðveiki.

Við ákváðum að slá öllu upp í kæruleysi og ætlum að nota Spring Break til að skjótast til Hava(r)í í viku í lok mars. Kellingin mín hefur ægilega gott af því - hún hefur ekki komið til útlanda í voðalega langan tíma. Hún fór hins vegar að gráta þegar ég sagði hanni að það væri engin fríhöfn á leiðinni. Ég bæti henni það upp með einhverjum skartgripum þegar námslánin koma í hús.

VL.

Aukahlutverkið í 24 boðið upp. Ef myndin prentast vel má sjá að

ég hafði ekki efni á því að bjóða í það. Sannkallaður hvalreki. Við félagarnir tókum í spil eftir uppboðið og rúlluðum bankanum upp í Black-Jack. Ung stúlka var ekki á þeim buxunum að leyfa okkur njóta þess að sitja einir að kjötkötlunum. Hún var dauðadrukkinn, nuddaði sér upp við okkur og velti næstum spilaborðinu. Chang, félagi minn frá Kóreu, tók því hins vegar með gríðarlegu jafnaðargeði eins og sjá má. Svo gaf hann henni í glas.
Atli og Ella eru ótrúlega dugleg að bjóða okkur yfir í alls kyns veislumat, en við höfum að sama skapi verið ótrúlega léleg að bjóða þeim. Hver veit nema að ég gefi þeim epli í næstu viku til að jafna aðeins metin. Það skiptir hins vegar ekki máli núna - ég vildi bara tjá þakklæti mitt fyrir að Atli skyldi beygja sig svo hann kæmist fyrir á myndinni.
Krakkarnir fóru á fyrsta skólaballið sitt um daginn. Viðar Snær hætti reyndar við og lokaði sig inni í herbergi þegar ég sagði honum að fólk dansaði saman á svona böllum. Ég fékk hann ekki út í bíl fyrr en ég sagðist bara hafa verið að grínast. Þegar við komum á staðinn skýrði ég út fyrir honum hvað fælist í því að "vanga". Hann horfði á mig eins og ég væri óvinur ríkisins nr. 1 og sagðist ekki geta treyst mér aftur. Skemmtileg stund í lífi föður og sonar.
Daglegt líf. Marta og Ásgerður reka saman hannyrðaverslun á Skólavörðustíg. Þær taka alltaf vel á móti manni þegar maður kíkir inn í kaffi og með'ðí. Þær sögðust ekki vera ánægðar með framkvæmdirnar á Skólavörðustígnum og kváðu þær hafa bitnað á viðskiptunum í vetur.
Kellingin var búin að suða um yfirvaraskegg í marga mánuði.

What my baby wants my baby gets.

Annars hefur Grímur svili minn ekki látið í sér heyra í marga mánuði. Ég vona bara að hann hafi það gott, en hann er að verða pabbi á næstu vikum. Það er hægt að fylgjast með honum og fjölskyldunni á heimasíðunni þeirra. Fyrir þá sem sakna hans birti ég þessa mynd: Grímur.

Mér fannst mjög töff þegar Gunni mávur minn sagðist vera búinn að fá vinnu hjá Straumi. Mér brá auðvitað þegar kom í ljós að hann er bara leiðsögumaður á bóndabænum Straumi. Mér leið hins vegar strax betur eftir að hann sendi mér þessa mynd af sér og sagðist vera "eiturhress í vinnunni".

Hvað er hægt að vera óheppinn?

Ég er greinilega búinn að vera of niðursokkinn í lærdóminn og hef vanrækt kellinguna mína. Maður rétt lítur af henni og hún fær sér nýjan "vin". Mig var búið að gruna þetta þannig að ég sendi einkaspæjara á eftir henni og hann náði þessari eldheitu mynd af turtildúfunum. En hvað getur maður sagt - hún er alla vega búin að næla sér í jafnaldra.

Heimilislífið

2007-02-20T22:22:00.000-08:00

Nú virðist sumarið vera að skella á hér í Californiu, trén farin að laufgast og blómgast. Viðar búinn að draga fram settið og allir hressir. Bolludagurinn var haldinn hér hátíðlega í gær. Amma Hildur galdraði fram endalaust magn af bollum oní gesti og gangandi. Við tókum líka mjög virkan þátt í Valentínusardeginum. Börnin sendu um 50 ástúðleg kort, allir kennarar fengu hjartalaga konfektkassa og við fullorðna fólkið létum þetta tækifæri ekki fara framhjá okkur og sendum hjartnæm kort hingað og þangað.

Boddí.

Viðar að slá grasið í garðinum.

Hildur Theodóra að leita að vinum í garðinum

Bregður á leik fyrir ljósmyndarann

Þarna taka feðginin miðdegisblundinn sinn

Valentínusardagurinn í allri sinni dýrð

Alltaf hress úti í garði

Atli, Ella og strákarnir í bollukaffi

"strákarnir okkar" - Victor og Þórólfur, verkfræðinemarnir í næsta húsi

Hjónin í sínum árlega 16. febrúar dinner, að þessu sinni á Spago sem við getum fyllilega mælt með (eins og Michelin gerir)
Ah, þarna vakti ég þau af blundinum sínum

Hundraðasti skóladagurinn í uppsiglingu

2007-01-31T09:04:00.000-08:00

Í næstu viku rennur upp hundraðasti skóladagur barnanna hér í Kaliforníu. Í tilefni af hundraðasta skóladegi þessa skólaárs verður mikið um hátíðahöld. Við útvegum 100 stk. af hinu og þessu og amma Hildur verður sjálfboðaliði á sjálfum hátíðardeginum. Börnin auðvitað spennt og finnst þetta stórmerkilegur viðburður. Skólinn gengur að öðru leyti sinn vanagang jafnt hjá stórum sem smáum. Arnhildur Anna er auðvitað í essinu sínu heima á Íslandi. Smelli inn nokkrum myndum frá helstu uppákomum janúarmánaðar.
Boddí.

Þetta eru aðalgæjarnir í Stanford - Viðar Snær, Halldór Andri, Atli, Valur Björn og Viddi Lú.
Feðurnir að kenna sonunum elsta bissnesstrikkið í sögunni, límonaðisölu!!!

Matarboð hjá Charlotte og Rutger (von Netherlands). Þau eru hress.

Þetta málverk gaf mamma Mariu Esmeröldu, vinkonu minnar frá Paraguy, okkur. Myndin, sem er af ótilgreindum fossi á Íslandi, er máluð af mömmu Mariu sem er þekktur listmálari í heimalandi sínu. Hún hefur einu sinni komið til Íslands, á þeim tíma sem pabbi Mariu var utanríkisráðherra Paraguy.

Það er fallegt í Lake Tahoe, en kalt var þar!

Hjónin og litlu gormarnir dúðuð í frostinu - þess má geta að NorthFace kom sterk inn.

Ég hlaut Kal í Forníu.

2007-01-12T17:12:00.000-08:00

Þá er jólafríið búið og þrælabúðirnar teknar við aftur. Jólafríið fór meðal annars í að taka á móti Grími svila mínum, kaupa munntóbak fyrir hann og hlusta á nýja áramótheitið hans. Nýja áramótaheitið hans er enn verra en það gamla, því á þessu ári ætlar hann ekki að gera neitt sem honum þykir leiðinlegt. Í samræmi við það var hann duglegur að taka af borðum, vaska upp og taka til hjá okkur fram að áramótum, en frá áramótum hefur hann ekki farið í sturtu, svarað í símann eða notað löng orð þegar hann talar.

Veðrið hjá okkur hefur verið með kaldara móti og menn hafa þurft að setja upp hanska þegar þeir hjóla í skólann eða fara í sólbað. Við ætlum hins vegar að halda á enn kaldari slóðir um helgina og ætlum að demba okkur til Lake Tahoe í tvo daga. Þar ku hitinn vera -12 um þessar mundir og hætta á kali ef ekki er varlega farið. Borghildur er svo hagsýn að hún tilkynnti mér strax að í tilefni ferðarinnar ætlaði hún að fata fjölskylduna algjörlega upp í North Face búð. Ég spurði hana hvort það væri virkilega praktískt að fata fjölskylduna upp fyrir 2 daga þegar allir ættu fínar úlpur heima á Íslandi. Þá horfði Borghildur góðlátlega á mig og lét eins og ég hefði bara pissað á mig. Strákar, þið þekkið þennan svip. Og hvar haldið þið að Borghildur sé einmitt núna? Jú, jú, í North Face. Ég reyni að stemma af heimilisbókhaldið á meðan.

Annars er það helst að frétta að Arnhildur hélt heim til Íslands fyrr í mánuðinum. Það var leiðinlegt að missa hana heim og söknuðirinn mikill á heimilinu. Við sjáum hana vonandi sem allra fyrst aftur.

VL.

Það voru fleiri en við sorgmæddir yfir heimflutningi Arnhildar. Veltan í Stanford Shopping Center hefur dregist töluvert saman síðan Arnhildur fór og afgreiðslustelpurnar í Abercrombie & Fisch voru hálf beygðar yfir því.

Yngri börnin reyndu að vinna úr sorginni við að missa Arnhildi með því að gerast klæðskiptingar. Draumur sérhvers föður.
Kallinn býr sig undir að taka á móti innbrotsþjófum. Takið eftir stæltum þjóhnöppunum. Þegar þið eruð búin að því skuluð þið horfa aðeins lengur á þá.
Arnhildur slær boltann upp í áhorfendastæði. Hún var seld til hafnaboltaliðs

á Íslandi eftir þetta högg.
Mamma var með múður og heimtaði að vera með hatt allan sólarhringinn. Þá ákváðum við að þetta væri orðið ágætt og settum hana á sölu. Hún seldist hins vegar ekki - kannski út af hattinum, en kannski vegna þess að við vildum fá of mikið fyrir hana, sbr. skiltið í bakgrunni. Finnst ykkur $25 of mikið fyrir pundið? Okkur fannst það gjafverð.
Gunni mágur yfirgaf loksins Seattle eftir að borgaryfirvöld þar á bæ buðust til að borga fyrir hann miðann heim til Íslands. Grímur (til vinstri) skutlaði Gunna út á flugvöll og kyssti hann bless.

Myndir í lok árs

2006-12-31T17:58:00.000-08:00

Núna er kalkúninn í ofninum, stuffingið klárt, sósur og salötin í vinnslu og desertin bíður í kæli ásamt kampavíninu. Það verða engir flugeldar í ár, vegna hættu á skógareldum í Californiu, bara söngur gleði og góður félagsskapur, en skaupið verður á sínum stað kl. 22:30. Cheers, Boddí.

Sæt systkini

Litlu börnin í Barnes Court ásamt afa Lúlla á aðfangadag

Börnin við jólatréð áður en stóra jólapakkaflóðið reið yfir

Göngutúr á "Stanford fjallinu" á jóladag - 6 km leið

Hressi alltaf hress

Stiklað á stóru

2006-12-30T20:17:00.000-08:00

Höfum haft það óskaplega gott frá því við kláruðum prófin, börnin fóru í jólafrí og aðrir fjölskyldumeðlimir mættu á svæðið. Viðar hélt magnað karíókí afmælispartý að kvöldi 15. desember. Sungum og dönsuðum frá okkur allt vit. Héldum til Napa-dals tveimur dögum síðar og áttum þar dásamlegt frí í nokkra daga Lúlli var í essinu sínu í smökkuninni og við hin flutum með. Værum alveg til í að gera það að reglulegum viðburði að fara í svona ferðir. Höfum svo verið í jólastemmningunni hér í Stanford og farið í styttri dagsferðir hingað og þangað, m.a. Montery, Carmel og San Jose. "Hamborgarahryggurinn" okkar á aðfangadagskvöld var næstum því eins góður og heima, og höfum við dekrað við sjálf okkur í mat og drykk, bæði hér heima og á veitingastöðum yfir hátíðarnar. Smelli inn myndum frá gestunum okkar og jólahaldinu áður en árið er liðið!
BE.

Hildur Theodóra að leika dúkku á vínbúgarði í Sonoma-dal

Nett stemmning í afmæli Vidda Lú

Strákarnir taka lagið í Karíókí og afmælisbarnið hellir OPAL drykk í liðið

Anna Lú mætt á svæðið of stemmningin slök

Kellingin lét ekki sitt efttir liggja í karíókíinu, smellti sér úr hælunum en splittið varð að bíða vegna íþróttameiðsla

Prófin að skella á

2006-12-06T21:11:00.000-08:00

Þá er komið að því - síðasti skóladagur þessa árs liðinn og prófin á næstu dögum. Yngri kynslóðin verður reyndar í skólanum út næstu viku.

En það sem meira er - Lúðvík er loksins að koma til okkar. Hann kemur á föstudaginn. Anna Lú kemur svo í vikunni þar á eftir. Hún pantaði sér flug á afmælisdegi bróður síns og mætir í hús um það leyti sem partýið klárast!

Fjölskyldan fer svo í allsherjar vínsmökkun og spa til Napa, til að koma sér í gírinn fyrir jólin. Anna siss, Hressi og Hekla munu svo bíða eftir okkur á tröppunum þegar við komum aftur til byggða 20. desember. Þá hefst jólastressið og jólagjafakaupin ; )

Tókum þó smá forskot á sæluna í jólagjafainnkaupum í San Fran um daginn.

Svo var það árshátið Stanford Law School, sem við hjónin létum okkur að sjálfsögðu ekki vanta á. Frúin hafði þar fullkomna ástæðu til að dressa sig, eftir heldur rólegan vetur í fatbransanum. Okkur hefur verið boðið í hinar ýmsu veislur á vegum skólans svona rétt fyrir jólaprófin. Þar ber helst að nefna að Viðar nældi sér í fyrstu verðlaun í kökusamkeppni heima hjá einum prófessornum. Það þarf vart að taka fram að Viðar fór með heimalagaða ostaköku móður sinnar í keppnina!

BE.

Arnhildur Anna í San Fran. Í bakgrunni glittir í jólatréð sem var kveikt á síðar um daginn.

Hildur sr. tók að sér að passa einn aukagrísling til þess að allir kæmust á árshátíð.

Mr. and Mrs. Loo á leið á ball.

Þetta er konan sem gerir allt og getur allt hér í Stanford!

Mynduð hér ásamt 1. verðlaununum í kökukeppninni og tóma kökudisknum.

Allir hressir í jólagjafaleiðangri í San Fran.

Svona er þetta huggulegt í byrjun desember - börnin að borða nestið sitt í garðinum og amman tók myndir.

Familían í San Fransisco. Viðar hress.

Þakkir gjörðar í musteri Shirley Temple.

2006-11-23T21:39:00.000-08:00

Kaninn á það til að fara aðeins yfir strikið í hátíðahöldum. Það er það sama með Þakkargjörðarhátíðina (þýska: Dankesmachenfest) og aðrar hátíðir, það er allt gjört á milljón. Það er afar mikilvægt hjá Kananum að það sé enginn einn yfir Þakkargjörðarhátíðina og við Boddí áttum standandi heimboð frá nokkrum kennurum í deildinni. Flestir drógu þau reyndar til baka þegar þeir fréttu hvað Boddí borðar mikið.

Hvað um það, við enduðum á því að smella okkur til kennara sem bauð öllum í prógramminu okkar ásamt mökum, börnum og mæðrum í kalkún. Hún á heima í Atherton-hverfinu, sem státar af hæsta fasteignaverði í Bandaríkjunum. Svo skemmtilega vildi til að Shirley Temple lét byggja húsið hennar og mun hún hafa haldið skemmtileg partí þar með fólki sem var næstum eins töff og hópurinn okkar.

Við borðuðum talkúm-kalkún með silíkonfyllingu, drukkum bjór, spiluðum borðtennis og billiard og höfðum það kósí fram eftir degi - alveg þangað til okkur fannst partíið ekki hafa upp á meira að bjóða. Þá brutumst við í gegnum ljósmyndaraþvöguna og létum okkur hverfa.

VL.

Jói og Simbi voru fengnir til að prufukeyra nýja snyrtiborðið hennar Hildar Theodóru. Þeir bleyttu upp í hárinu á henni, klipptu nokkra slitna enda og tóku ekki nema 25 þúsund kall fyrir. Svo fóru þeir í göngutúr með Dalmatíuhundinn sinn. Þeir létu hafa eftir sér að íbúðin okkar væri "mjög púkó".
Yngri börnin horfa á Stundina okkar í tölvu ömmunnar. Takið eftir áklæðinu á svefnsófanum. Það gæti verið ykkar fyrir einungis 8 Bandaríkjadali.
Adda, Geir Sveinsson, Martin (í hvítri pullover), Maria (með heimatilbúna sprengju) og Dalai Lama á góðri stund.
Um helmingur af prógramminu stillti sér upp. Indverjinn fyrir miðri mynd er besta skinn, en hann virðist ekki hafa áttað sig á tilgangi þess að hópurinn stillti sér upp.
Adda, Boddí og Natalie hin brasilíska hafa engu gleymt. Ef þið viljið verða svona hress þá skuluð þið líka fá ykkur Diet Coke. Þess má annars geta að Natalie er blakstelpa.
Snitturnar þrjár, V. Lú, svissneski osturinn Martin og

brasilíski knattspyrnusnillingurinn Nicolau.
Myndin er tekin í Þakkargjörðaveislunni í húsinu sem Shirley Temple byggði og gerði þarfir sínar í. Þar var afar gaman. Stelpan í forgrunni tengist ekki efni fréttarinnar.

.

2006-11-22T15:37:00.000-08:00

Allt að gerast í leiknum
Le familie mætir hress til leiks

Langt síðan seinasta blogg var skrifað og ætlum að bæta úr því ;)

Allaveganna erum við búin að gera slatta síðan seinasta blogg var skrifað og fórum meðal annars á Stanford fótboltaleik á móti UCS :) getum nú ekki sagt að þeir séu þrusu góðir en samt stemmning að horfa á þetta allt saman :) Flott byrjunaratriði og svona. Svo

i gær átti Halldór afmæli og komu Ella, Valur og Halldór en Atli var í DK.

Svo má búast við þrusu bloggi frá Viðar á næstu dögum ;)

Arnhildur Anna :*

Halló-vín. Það líður ekkert Barn Skort í Barnes Court.

2006-11-01T22:26:00.000-08:00

Halló-vín er komið og farið. Þetta er hátíð geðveikinnar í landi bumbubanans. Undirbúningurinn er búinn að standa í 2 mánuði og spennufallið er gríðarlegt. Kaninn ku selja Halló-vín varning fyrir 6 milljarða dala á ári, sem er svipað og Borghildur eyðir í gloss og augnskugga á mánuði, þannig að við erum að tala um significant upphæðir.

Hvað um það. Allt fór vel fram og börnin skemmtu sér vel - á kostnað foreldranna - sem er jú það mikilvægasta. Það var heljarinnar hátíð í skólanum hjá krökkunum þar sem allir krakkarnir og starfsliðið skartaði búningum. Skólastjóranum fannst hann sjálfur fara á kostum - klæddur sem gangbrautarvörður - og kokkurinn í skólanum sló öll met klæddur sem - mikið rétt - kokkur. Það þótti mér og krökkunum heldur ódýrt trix þannig að ég lét reka hann. Hann vinnur núna sem gangbrautarvörður. Kennslukonan hennar Hildar Theodóru var ægileg kisulóra - klædd sem köngulóardrottning - en kennslukonan hans Vidda var ekki alveg eins heit - dulbúin sem teketill. Það þótti mér ekki spennandi og ég vil ekki einu sinni vita hvers konar tepokar voru í katlinum.

Um kvöldið fórum við að sníkja nammi og börnin uppskáru samtals 6 kíló. Það er reyndar ótrúleg tilviljum, því það er nákvæmlega sama þyngd og Borghildur ætlar að bæta á sig fyrir Thanksgiving. Svona leitar alheimurinn alltaf að jafnvægi.

En allt að einu, börnin átu yfir sig af nammi og fengu illt í magann. Það var gott á þau, því núna fyrst trúa þau því að maður geti fengið illt í magann af nammiáti.

VL.

Mynd úr Freeman's vörulistanum. Takið eftir fallega pilsinu sem konan lengst til hægri ber.Boddí skar út prumpkin eins og vindurinn. Eftir að ég sagði henni að slímuga gumsið í prumpkin væri vel þekkt yngingarmeðal makaði hún því framan í sig. Þá hlógu allir í hverfinu.Hildur lék Mjallhvíti af einlægni en staðfestu. Hún þvertók fyrir að smakka eitruð epli frá ókunnugum. Fjölskyldan heldur út í nóttina að sníkja nammi. Borghildur fékk 2. verðlaun í samkeppninni um besta búninginn á campus, en hún var "Þreytt húsmóðir af Seltjarnarnesi". Hún tapaði naumlega fyrir Ósýnilega manninum, sem er lengst til vinstri á myndinni.

Hildur Theodóra og Viðar Snær sníkja nammi af Zoolander. Zoolander var fullur, en það kom ekki að sök, því hann átti mikið af nammi.

Afmælismyndir

2006-10-22T22:41:00.000-07:00

Félagarnir Viðar Snær og Halldór Andri.

Arnhildur Anna, Ella Dóra, Valur Björn og Soewon (sitjandi).

Hildur Theodóra við snyrtiborðið frá ömmu Hildi og afa Lúlla

Nýkvöknuð og nýorðin 5 ára. Hress og kát.

Hildarnar hressar, ásamt Sophiu, Soewon og Sun Kyun.

Hress að viðra dúkkuna frá langömmu Sissí.

Strákarnir í lagadeildinni spenntir fyrir blöðrunni. Pumpkin verða skorin út hér um næstu helgi.

Hún á afmæli í dag!

2006-10-22T12:34:00.000-07:00

Þrátt fyrir gríðarlegar tilraunir til að setja inn myndir af afmælisbarninu að þá tókst það ekki. Þess í stað komu myndir af Vidda Lú í faðmi LL.M. nema í góðri stund

BBQ fyrir okkur útlensku laganemana. Það gladdi mig að sjálfsögðu ólýsanlega þegar ég var ítrekuð spurð að því hvort Arnhildur Anna væri systir mín. Hvað getur maður sagt!!!

Homecoming Queen Barnes Court

Buðum kóreskum vinum okkar í mat í tilefni af því að Ban Ki-Moon verður nýr aðalritari Sameinuðu Þjóðanna.

Hildur Theodóra er 5 ára í dag. Af því tilefni verður slegið upp léttri afmælisveislu í garðinum. Amma Hildur er búin að mastera ostakökuna sína og gott ef það er ekki eitthvað fleira í bígerð hjá konunni sem er sett í öll hlutverk hér á heimilinu. Ég gerði tilraun til að gera súkkulaðikremið hennar ömmu Addýjar á afmæliskökuna, en því miður er ómögulegt að ná því hér, og skreytti því kökuna bara þeim mun meir í staðinn...
Við eigum von á íslensku vinum okkar hér í hverfinu og svo LL.M. nemunum sem eiga börn, sem eru beisiklí ekki margir..., sniðgengum reyndar einn Japana sem á tveggja mánaða gamalt barn. Það voru miklar samningaviðræður sem áttu sér stað á milli okkar hjóna hvar ætti að draga línuna, þ.e. hvenær börn væru börn osfrv. Auðvitað hafði ég betur og Japanska pabbanum var ekki boðið. Hann getur því spilað golf í dag.
Boddí. P.S. Ég lofa að koma inn myndum af sjálfu afmælisbarninu síðar í dag...

Aðeins að hreinsa upp Leif Arnar.

2006-10-20T22:25:00.000-07:00

Við Borghildur eyðum mestum tíma í að læra. Þannig er það bara. Inn á milli náum við hins vegar að kreista einhverja skemmtun út úr lífinu. Þannig tók ég t.d. verklega bílprófið um daginn. Til allrar hamingju lenti ég á fimmtugri, einhverfri rússneskri konu með fullkomnunaráráttu. Hún var með tvær stórar vörtur í andlitinu, aðra flennistóra en úr þeirri smærri blómstruðu fjögur löng svört hár. Svo var hún í mjög flegnum bol, en það gerði einhvern veginn illt verra undir þessum kringumstæðum.

Allt að einu: það EINA sem ég einbeitti mér að í ökuprófinu var að STÖÐVA á öllum stöðvunarskyldum og FIKRA mig síðan yfir stöðvunarlínuna til að aðgæta hvort óhætt væri að smella mér yfir. Þegar prófinu lauk sagði rússneska vartan að þetta hefði verið "mediocre" því ég hefði alveg gert í brækurnar á stöðvunarskyldunum. Ég slefaði af undrun. Nánar til tekið skellti rússagrýlan því framan í mig að ég hefði fengið 5 alvarlegar villur fyrir að GLEYMA að "STÖÐVA á stöðvunarskyldum og FIKRA mig síðan yfir". Mér leið eins og í falinni myndavél. Ég var að spá í að bjóða vörtunni í glas og spyrja hvort hún væri gift þegar hún missti út úr sér að ég hefði samt náð prófinu. Ég þakkaði þá bara pent fyrir mig, ákvað að halda tryggð við Borghildi (sem er bara með hárlausar vörtur) og spurði prófdómarann hvenær þessi þáttur af Twilight Zone kæmi á DVD.

Annars eru hér nokkrar myndir, áður óútgefnar.

VL.

Á Hollywood Boulevard rakst Hildur Theodóra á þessa þrjá síkátu vitleysinga. Ég veit ekki hvernig þeim datt öllum í hug að troða sér á þessa mynd. Kannski spilar það inn í að vitleysingarnir rukkuðu okkur allir fyrir myndatökuna - og trúið mér - þá var ekkert bros á andlitinu á þeim. Hvað um það, mér sýnist þetta vera Mjallhvít, Supergirl og Samkynhneigði Sverðabrýnirinn, sem við þekkjum öll svo vel. Ýmsir höfðu gaman af því að stilla sér upp og láta taka mynd af sér við hliðina á þessari stelpu í gallapilsinu. Við nenntum því samt ekki.
Hildur Theodóra átti algjöran stórleik fyrir utan Getty safnið í LA. Hún gekk að þessari frægu styttu og byrjaði að skeina henni í gríð og erg á meðan hún stundi hátt og kallaði "Pabbi, pabbi, sjáðu mig". Ég ætlaði að fara að stöðva hana þegar þessi öryggisvörður (í hvítri skyrtu fyrir miðri mynd) tók af mér ómakið. Honum var ekki skemmt - kannski vegna þess að hann er sá eini sem má skeina styttunni. Ég skammast mín fyrir að segja það, en ég læddist í burtu og faldi mig á meðan. Myndin er tekin 2 mínútum eftir atvikið.
Á Venice Beach hafði þessi ofvaxni hlunkur í lögreglubúningi dottið ofan á vinalegan blökkumann sem var að selja fíkniefni. Það tók um hálftíma að losa fíkniefnasalann undan hlunknum. Vegfarendur skvettu vatni á hlunkinn á meðan til að halda honum á lífi.

Til hvers að leita langt yfir skammt þegar maður er svangur?

Borghildur er búin að eignast margar mjög góðar vinkonur, sem hún hefur hitt á förnum vegi. Þessi kona kom til að lesa af rafmagninu hjá okkur.

Kaliforníurúnturinn

2006-10-11T23:33:00.000-07:00

Fórum í geggjaða fimm daga ferð til borgar englanna. Byrjuðum á stoppi í Monterey, Pebble Beach og Carmel þar sem við gætum hugsað okkur að festa kaup á fasteign... Keyrðum eftir hinum eina sanna Pacific Coast Highway, með stoppi á tjúlluðum veitingastað sem hékk utan í klettunum in the middle of nowhere og í bænum Solvang, hinum danska. Þegar við mættum til LA sá Gulla vinkona til þess að fjölskyldumeðlimir voru trítaðir eins og Hollywoodstjörnur. Gistum á Roosevelt hótelinu sem Gulla "endurhannaði" þar sem beið okkar ískalt kampavín á herberginu. Gulla brá sér svo í hlutverk concierge og sá um að bóka okkur á þessum helstu stöðum. Tókum líka þennan basic túristapakka; Venice Beach, Santa Monica, Sunset blvd., Disney, Getty Museum etc. Þetta var gaman, en nú er það raunveruleikinn okkar sem hefur tekið við - lesturinn!!!!!!!!!

BE.

The Loo's á Getty safninu með LA í bakgrunni.

Þarna má sjá handa- og fótaför Shirley Temple í gangstéttinni.

Hildur Theodóra heldur samviskusamlega á skilti sem henni var afhent í tilefni af komu Tiger Woods.

Glittir í Hollywoodskiltið ef vel er að gáð.

Rákumst á þessa hressu kvikmyndastjörnu á Roosevelt hótelinu.

Hress mæðgin ásamt Viðari Snæ við Pacific Coast Highway

Nei sko, hittum Unnu Maju á Venice Beach

Arnhildur Anna í Carmel

Myndirnar tala sínu máli

2006-10-11T22:14:00.001-07:00

Arnhildur Anna tók þessa seríu í Santa Monica um síðustu helgi.
Eins og sjá má eru börnin hress.

Halló vín nálgast, flyback week o.fl.

2006-10-05T00:54:00.000-07:00

Síðustu vikur hafa verið strembnar fyrir kallinn. Fyrir utan námið þá hefur Borghildur verið frekar óróleg. Fyrst hélt ég að hún væri eitthvað uppþembd eða með gigt, en mér sýnist á öllu að hana sé bara farið að langa í föt og eitthvað glingur. Í næstu viku er svokölluð fly-back vika, en þá fá laganemar frí til að safna kröftum og kaupa glingur fyrir konurnar sínar. Ég ætla að taka kellinguna, múttu og krakkana til Los Angeles í tilefni af því. Ég geri það auðvitað líka í tilefni af því að á föstudaginn kemur verður bíllinn okkar búinn að vera 10 daga á verkstæði, sem er víst einhvers konar met í viðgerðartíma innanhúss. Við vonum að bílaleigubíllinn skrölti.

Annars nálgast Halló-vín. Krakkarnir keyptu búninga í gegnum Internetið. Ég smelli nokkrum myndum inn fyrir ömmurnar og afana í tilefni af því. Þeim þykir það ábyggilega afar (og ömmur) gaman.

Já, Hildur og Viðar jr. eru sannarlega lík fyrirmyndunum.

Takið eftir hrafntinnusvörtu hárinu á Mjallhvíti.Borghildur uppveðraðist öll, hélt að það væri komið þorrablót og skellti sér í gallann. Hún varð mjög leið þegar ég sagði henni að það væri ekki komið þorrablót, en róaðist þegar hún fékk töflurnar sínar og setti Ellý Vilhjálms á fóninn. Sjalið er úr Parísartískunni en skartgripirnir eru í einkaeigu.Ég kýs að kalla þetta verk "Prófíll - Ræfilsleg blóm og Hildur". Ekta mynd fyrir ömmurnar og afana.
Mamma hallar sér gjarnan að flöskunni þegar eitthvað bjátar á. Hún gat þó ekki flúið ljósmyndara sem bar að garði. En mamma er hress - hún má eiga það.
Feðginin á (g)óðri stund. Takið eftir hrukkunum í kringum augun á kallinum. Vonandi þykir einhverjum hrukkur vera smart - þær virðast nefnilega komnar til að vera. Sem betur fer á ég eldri konu.

VL.

;D

2006-10-02T12:18:00.000-07:00

Eitthvernveginn þá vilja fl. myndir ekki komast hérna :(

Afsakið bloggleysi hérna, bara allt á fullu og ekki hefur gefist tími til að blogga:/ og margt hefur gerst síðan síðasta blogg var skrifað :) Myndir fyrir ofan af íslendingagrillinu og san fran;) Það var til dæmis Íslendingagrill sem var bara mjög gaman :) Grilluðum gott kjöt og pulsur og læti og mjög gott veður of course ;D Svo var nú líka eitthverntimann barnes Court grill og það var líka fjör ;D

Svo bara læra læra læra ... og Hildur senior alltaf jafn dugleg að passa krakkanna :D

Svo bara í gærkvöldi skelltum við okkur öll nema Viðar til San Francisco, skoðuðum í eitthverjar búðir og sóttum eitthvern pakka á hóteli þarna. Fengum okkur svo að borða þarna rétt hjá Union Square og keyrðum svo aftur heim :)

Jæja komið gott hérna..

kv. Arnhildur Anna ;*

The Crying Game

2006-09-21T17:35:00.000-07:00

Sælinú.

Um síðustu helgi fórum við út að borða með Atla og Ellu, vinafólki okkar. Atli valdi staðinn og pantaði borð með nokkurra daga fyrirvara. Maturinn var pottþéttur, staðurinn flottur, viðskiptavinirnir fallegir og allt í gangi.

Það besta var að þjónustustelpurnar á staðnum voru gullfallegar og höfðu gríðarlegan áhuga á mér og Atla. Það þótti mér gaman. Þær struku mér líka gjarnan um bakið þegar þær löbbuðu framhjá eða tóku pantanir. Það þótti mér líka gaman. Svo dönsuðu þær uppi á borðum á klukkutíma fresti. Það líkaði mér vel.

Rúsínan í pylsuendanum var hins vegar sú að stelpurnar voru allar með pylsu í staðinn fyrir rúsínu. Þetta voru semsagt ekki stelpur. Það þótti Borghildi gaman.

Sjón er sögu ríkari.

Kjartani þótti gaman að dansa. Hann yppti bara öxlum þegar ég spurði hann hvers vegna hann væri með tvær rúllur af málningarteipi um úlnliðinn.
Þráinn sagði að ég væri ekki með nógu margar tölur fráhnepptar fyrir hans smekk. Ég sagðist því miður ekki vera með fleiri tölur. Atli er líka búinn með sínar tölur á myndinni. Ásgeir spurði mig hvað jeppinn minn væri mörg hestöfl. Þá runnu á mig tvær, Grímur.
Ég, Jónatan, Atli og Friðjón á góðri stundu. Jónatan og Friðjón spurðu mig og Atla hvort það væri kalt á Íslandi. Við sögðum þeim að hafa ekki áhyggjur af fötum.
Gummi (til vinstri) og ég á meðan allt lék í lyndi. Gumma finnst gaman að vera í flegnum bolum.

VL.

Námslánin duga ekki - börnin arðrænd

2006-09-14T14:00:00.000-07:00

Námslánin hafa dugað skammt síðan við komum Westur þar eð sumir meðlimir fjölskyldunnar róa að því öllum árum að halda sama living-standard og heima á Íslandi. En hvað um það. Það voru nokkrir möguleikar í stöðunni, t.d. sá að selja eitthvað úr fataskápnum hennar Borghildar. Af ástæðum, sem ég vil ekki fara nánar út í hér, var sú hugmynd söltuð snyrtilega. Hins vegar skelltum við Viðari Snæ í atvinnumennskuna til að ná endum saman. Hann hefur hvort eð er nógan frítíma.

Pabbin sér um að setja nauðsynlegan öryggisbúnað á Vidda jr. Ekki viljum við að gullgæsin slasi sig í fyrsta leiknum.Viðar Snær býr sig undir að taka boltann á kassann og smyrja hann með vinstri fæti í skeytin fjær. Innkastið mistókst hins vegar þar sem innkastarinn missti boltann ofan á tærnar á sér. Hver kannast ekki við það.Viðar Snær slakar á eftir erfiða túrneringu og bíður eftir sjúkraþjálfaranum. Borghildur slakar á í sömu stellingu og bíður eftir ís með súkkulaðisósu, skartgripum, fötum og einhverju öðru góðgæti.

VL.

Sósjallífið

2006-09-10T12:20:00.000-07:00

Eldhressar vinkonur fá sér huggulegan hádegisverð. Fyrir framan þær á myndinni eru Kristín, Boddí og Heiða. Fréttamynd Reuter.

VL.

Þrátt fyrir að skólinn sé byrjaður aftur - nú af fullum krafti - að þá var okkur boðið í tvö dinner party hjá prófessorum í síðustu viku. Hér eru myndir úr boðinu hjá prófessornum mínum. Þar má sjá myndir af gestgjafanum, Pr. Lemley sem kennir patent, Viðar slæðist líka með á nokkrum myndum, Rolli Rugl er þarna líka og svo bekkurinn minn eins og hann leggur sig.
Boðið hjá prófessornum hans Viðars var á aðeins öðrum nótum, þá var honum boðið ásamt die ganze familie og bent á að þetta væri tilvalið tækifæri til að gefa ömmunni frí. Frú Hildur fékk sem sagt 4 klukkustunda frí s.l. föstudag í boði Stanford University! Viðar var svo hress í boðinu að við náðum strax þeim áfanga að vera boðin í tvö önnur dinner party í þessu dinner party.

Boddí.

Napa-dalssýsla og myndir

2006-09-04T21:44:00.000-07:00

Kíkið líka á síðasta blogg. Set inn nokkrar myndir til viðbótar.

All best.

VL.

Mynd tekin meðan allt lék í lyndi. Um 2 mínútum síðar var Borghildi hent út fyrir það sem Kaninn kallar "unauthorized and excessive exploitation of free liquor".
Þreyttir ferðalangar við langborð. Á myndina vantar Bjarna Felixson.
Arnhildur skvísa við Gullnu Geitina.
Gunni freistar þess að gróðursetja Hildi Theodóru í Napa-dal.
Fjárhagslega sjálfstæð kona á besta aldri leitar eftir kynnum við vínbændur. Kann að elda. Á ekki bíl en er með bílpróf. Þarf að sækja börn í skóla eftir hádegi, en er laus fyrir hádegi.

Bíllinn eyðilagður, Napa-dalssýsla o.fl.

2006-09-04T20:15:00.000-07:00

Við erum virkilega búin að njóta þessara örfáu daga sem við fengum í frí.

Við vorum búin að plana ferð með hele familien (15 kvikindi) til Napa síðastliðinn föstudag. Rétt fyrir brottför hringdi Boddí í mig grátandi og tjáði mér að elsta núlifandi kona í Bandaríkjunum hefði klessukeyrt pimp-mobilinn okkar. Til allrar hamingju virðist konan atarna hafa verið ágætlega tryggð, auk þess sem hún keyrði um (og á bílinn okkar) á Lexus. Rolexinn á æðaberum úlnlið hennar gaf okkur líka von. Slæmu (eða enn verri) fréttirnar eru hins vegar þær að Stanford Shopping Mall er líka á eftir þeirri gömlu því hún eyðilagði nokkur tré, gangstétt og eitthvað fleira í leiðinni. Allt náðist hins vegar á öryggismyndavél. Konan kvaðst einfaldlega hafa ýtt á bensínið í staðinn fyrir bremsuna. Hver kannast ekki við það? Sárasaklaus mistök - væntanlega Lexus að kenna. Ég legg samt til að Miss Daisy fái sér einhvern til að skutla sér í framtíðinni.

Þrátt fyrir óhappið skelltum við okkur á kengbeygluðum bíl, með beyglaða sál, til Napa-dals. Ég lagði spilin á borðið og krafðist þess að Boddí keyrði til þess að ég gæti dottið í það. Hið sama gerðu svili minn og mávur. Svo var tekið til óspilltra málanna og við duttum í það í vínsmökkun að hætti ódannaðra Íslendinga. Grími svila fannst magnið í glösunum eitthvað ræfilslegt svo hann drakk líka úr hrákadöllunum. Það fannst okkur hinum ógeðslegt.

Ég get eiginlega ekki skrifað meira í bili - mér líður svo illa yfir beyglunni á bílnum mínum. Svo er skólinn að byrja á fullu á morgun. Yfir og út.

VL.

Hélduð þið að ég væri að grínast!? Þetta er stórtjón.
Napa-dalssýsla er fallegur staður, ójá.

Gestir.

2006-08-31T09:15:00.000-07:00

Litla íbúðin okkar er full af fólki þar sem foreldrar Borghildar, systkini og fjölskyldur eru í heimsókn. Það eru 15 manns í mat á kvöldin hjá okkur að jafnaði, fyrir utan ráðamenn þjóðarinnar, sem detta oft inn í kaffi til að spjalla. Myndir af þeim koma síðar, en meðfylgjandi myndir eru aðallega fyrir afa og ömmur.

Bless.

VL.

Halldór, Viðar Snær og Hildur Theodóra. Þess má geta að Hildur er ástfangin af Halldóri.
Hildur Theodóra tók þessa mögnuðu mynd af heimasætunni á heimilinu, Arnhildi.
Rómantísk mynd af rómantískum manni með börnin sín í rómantískum vagni.

Smá frí.

2006-08-30T09:50:00.000-07:00

Jæja, við Boddí fórum í fyrsta prófið okkar í gær og eigum frí núna í nokkra daga. Foreldrar Boddíar, systkini og tengdafólk er í heimsókn þannig að við vorum 15 í mat í gær. Mikið álag á kallinum eins og þið getið ímyndað ykkur.

Annars er maður kominn á fullt í PTA, PIE og allt þetta dót í tengslum við skólann hjá krökkunum. Ég mæti samviskusamlega á foreldrakvöld og ræði framtíð barnanna í menntunarmálum á háalvarlegum nótum við hina foreldrana. Í stuttu máli þá eru allar þessar mature soccer-moms vitlausar í mig. Það verður ábyggilega mjög erfitt fyrir þær þegar ég sný heim til Íslands næsta vor. Ég hef bara ekki haft geð í mér til að segja þeim það strax að ég sé ekki kominn til að vera.

Myndir koma næst. Öruggast er að slökkva á vafranum ykkar núna.

VL.

Smá update - mikilvægt

2006-08-23T20:49:00.000-07:00

Mér þótti rétt að koma með smá update. Umsjónarmaðurinn með prógramminu hennar Boddíar er Roland nokkur Vogl. Ég kalla hann hins vegar Roland Rugl, enda er maðurinn rugl sætur. Dæmi hver fyrir sig. Maður er strax farinn að sjá eftir að hafa komið hingað. Látið endilega í ykkur heyra ef þið hafið lent í svipuðum aðstæðum og ég.

VL.

[[ Myndin tekin út að ósk Borghildar eftir að einhver óprúttinn náungi skrifaði komment á bloggið undir nafni viðkomandi kennara. Takk kærlega fyrir að taka konuna mína á taugum. VL. ]]

Já, hann er engin rola hann Roland.

Fyrsta heimsóknin ; )

2006-08-19T21:24:00.000-07:00

Fyrsta heimsóknin
Jæja þá eru Anna og Grímur og Hekla komin í heimsókn og voða gott að sjá þau :) . Föstudagur / 40 ár síðan Hildur og Lúðvík byrjuðu saman /; Já þau komu semsagt í gær til okkar, sóttu Arnhildi, Viðar og Hildarnar hjá heilsugæslunni og hentumst beint í íbúðina okkar . Vorum svo bara e-ð að bralla hérna heima þangað til nördarnir kæmu heim..svo komu þeir heim og við ætluðum að fá borð á The cheescake factory en tók alveg klst. að fá borð þar, þannig fórum á California pizza kitchen og það var bara mjög gott :) . Komum svo heim og spjölluðum og borðuðum ben & jerrys ís :). Svo bara sofnuðu allir :)
Í dag ; Tókum deginum bara rólega á meðan mamma og viðar fóru að nöördast :) , svo reyndar eitthverntimann um morguninn þá fór Viðar í ökue-ð en hann getur nú bara sagt frá því sjálfur :) veit ekkert um það . Jæja svo komu þau heim og við fórum í Stanford Shopping Center og ég (arnhildur ) og grímur keyptum okkur boli i Abercrombie And Fitch og krakkarnir skólatöskur í GAP. Röltuðum svo smá og þá skildust leiðir, konurnar fóru að versla í matinn og kallarnir og börnin fóru á Mc Donalds :) svo er verið að elda matinn núna :)

Kv. Arnhildur Anna

Skólalífið

2006-08-18T00:25:00.000-07:00

Hildur Theodóra ásamt hinni svissnesku Sophiu á skólalóðinni

Fyrsti skóladagur Hildar Theodóru var í dag. Kynning á kennurum og skólanum. Það gekk súpervel og hún var strax farin að knúsa Sophiu, svissneska vinkonu sína. Pabbi Sophiu og ég erum saman í bekk, þ.a. við vorum að vonum ánægð að dætur okkur lentu saman í bekk. Hildur lenti m.a.s. líka í bekk með íslenskum strák sem hún á reyndar enn eftir að kynnast.
Viðar Snær fer í kynningu í skólanum á morgun og þetta endar svo allt í einni stórri ísveislu fyrir alla nemendur skólans, ásamt fjölskyldum. Þetta er slóðin á skóla Hildar og Viðars: http://www.escondido.palo-alto.ca.us/
Hann er inni á campus og í nokkurra mínútna fjarlægð frá húsinu okkar.
Arnhildur Anna byrja í skólanum á mánudaginn og er þetta slóðin á skólann hennar: http://gunn.pausd.org/home/web/
Fyrst ég er byrjuð á þessu að þá er slóðin á skólann okkar Viðars: http://www.law.stanford.edu/
Bara svona til að covera skólamálin ; )
Erum annars gríðarlega spennt yfir því að Amín, Grímur og Hekla ætla að heimsækja okkur á morgun og vera hjá okkur yfir helgina. Sýnum samt ekki sömu viðbrögð og Gunni, http://amerikugunnar.blogspot.com/2006/08/amn-grlur-og-hekla-heimskn.html
Þetta voru svona helstu staðreyndir frá okkur í bili.
Boddí.

Bólusetningum lokið í bili - komin á beinu brautina

2006-08-17T18:33:00.000-07:00

Það gerist allt löturhægt í henni Ameríku. Við sættum okkur við það. Eftir mikla erfiðleika tókst okkur að hafa uppi á lítilli klíník sem gat tekið börnin í bólusetningu með litlum fyrirvara. Doctor Chong brást afar vel við beiðni okkar og rukkaði okkur ekki um nema 450 Bandaríkjadali fyrir. Ég hló svo mikið að ég ákvað að borga skólagjöldin fyrir alla sem eru með mér í prógrammi. En nú geta börnin okkar semsagt leikið sér við lifrarbólgusmituð börn án vandræða.
VL.

Doctor Chong sagðist vera "eitthvað ryðgaður" í bólusetningum og kvaðst þurfa að æfa sig áður en hann spreytti sig á "alvöru fólki" eins og hann orðaði það. Hann baðst auk þess afsökunar á því að eiga bara eina nál.

Doctor Chong átti eitthvað erfitt með að gefa okkur til baka. Eftir lítið töfrabragð fann hann hins vegar skiptimynt á bakvið eyrað á ruslakalli, sem átti leið hjá.

San Fran og skóli

2006-08-14T21:46:00.000-07:00

Reyndum að týna okkur ekki alveg í lestri og vitleysu um helgina og fórum því til San Francisco á sunnudaginn. Var það jómfrúarferð fyrir flesta Stanfjordbúa, ef ekki alla nema Boddí. Brekkur borgarinnar náðu auðvitað að heilla mannskapinn og líka stemmningin almennt. Það var hins vegar eitthvað allt annað veðurfar (áttum við ekki annars alveg eftir að tala um veðrið...) í gangi inni í borginni en hér hjá okkur í Stanford. En hér í Stanford búum við auðvitað við logn, hita og sól alla daga : )
Skólinn byrjaði svo aftur með stæl í dag. Morgunmatur með prófessorum og kennaraliðinu. Held við séum búin að þurfa að standa upp og kynna okkur u.þ.b. þrisvar á dag frá því skólinn byrjaði, og engin undantekning á því í morgun. Kaninn er soldið fyrir þetta. Viðar nær einhvern veginn alltaf að lauma einhverjum setningum inn í kynningarnar hjá sér þannig að liðið missir sig af hlátri, sem er gott.
Kennaraliðið og samnemendurnir eru mikið að velta því fyrir sér hvernig orðið "Borghildur" er borið fram. Sumir segjast æfa sig heima á kvöldin. Ég gafst aðeins upp í dag og sagði nokkrum félögum að þeir mættu bara kalla mig "Hilda", þá var minn maður ekki lengi að blanda sér í málið og benti þeim á að hann kallaði mig iðulega "Body"... Ég held að þeir haldi að við séum snarbiluð!!! Þú útskýrir það ekkert að Boddí og Body sé ekki það sama.
Börnin byrja ekki í skólanum fyrr en á mánudaginn. Til þess að það takist þurfa þau hins vegar að gangast undir bólusetningu og berklapróf sem aðeins má framkvæma í US. Þannig að við erum enn í stöðugum útréttingum - þetta virðist endalaust!!!
Arnhildur Anna er þó búin að fá að vita að hún fer í Gunn High School sem er víst skóli á einhverjum Olympíumælikvarða.
Amma Hildur er í feiknafjöri, smurði nesti oní alla yngri kynslóðina í dag og hélt í lautarferð hér á Campus. Viðar vill endilega skvera henni undir stýri og gera hana að soccer-grandma. Veit ekki alveg hvort hún er til í að keyra 50 cent...

BE

Skólinn byrjaður

2006-08-12T23:20:00.000-07:00

Þá er fjörið byrjað. Það var nú heldur mjúk lending fyrstu tvo skóladagana. Kynning á lagadeildinni, bókasafninu, tölvudæminu, leiðsögn um campus og þetta helsta. En nú er víst alvaran byrjuð og nóg af lesefni fyrir næstu daga. Reynum að tækla þetta af einhverri skynsemi. Það skal tekið fram að frú Hildur Viðarsdóttir eldri er nú þegar orðin legend hér í Stanford.

Yngri kynslóðin byrjar í skólanum 21. ágúst n.k. Við höfum enn ekki fengið upplýsingar um hvaða skóla þau fara í, en það skýrist í næst viku. Arnhildur Anna er nú þegar búin að þreyta stöðupróf í ensku, og gerði það með stæl.

Hér eru spennt hjón á leið í skólann á fyrsta skóladegi.

Hér má sjá einbeittan laganema frá Íslandi (stærsta manninn á kampús) í hópi samnemenda. Glittir í Hoover turninn á Stanford Campus í baksýn.

Boddí strunsar áfram með hinum nemendunum í guided tour um Campus.

Ein lauflétt fyrir framan byggingu lagadeildar að loknum fyrsta skóladegi.

Hildur Theodóra hress á róló, Viðar Snær rólar sér og heimili okkar má sjá í baksýn.

Það helsta...

2006-08-12T22:31:00.000-07:00

Það hefur tekið okkur töluverðan tíma að koma okkur almennilega fyrir hér í Stanford. Eftir endalausar ferðir í IKEA, BEST BUY, TARGET, COSTCO og þessar helstu basic verslunarkeðjur er þetta alveg að smella saman. Viðar er búinn að mastera samsetningar á IKEA svefnsófum og öðrum nauðsynjum, og Boddí búin að tjúna upp stemmninguna með púðum, kertum og IKEA lömpum. Námsmennirnir allir komnir á hjól og allt að detta í gír. Hildur Viðarsdóttur eldri er með flokkunarkerfi á öllu rusli alveg á hreinu og orðin öllum hnútum kunn í þvottahúsinu í næsta húsi. Hún er líka snillingur í að sjá til þess að við nærumst vel í öllum látunum.

Tengdamömmutryllirinn kominn í daglegan pönnukökubakstur

Hildur Theodóra í litla sæta garðinum í litlu sætu skónum sínum

Hetja fjölskyldunnar sem byrjaði á því að skella sér í tveggja tíma enskupróf í Palo Alto High School

Hjólakostur yngstu kynslóðarinnar sem var keyptur á spottprís í uppáhaldsverslun Gunna frænda; COSTCO

Ágætis byrjun

2006-08-12T21:19:00.000-07:00

The Ludviksson family mætt hress og kát til San Francisco - klár í slaginn!

Sætar nöfnur í morgunsólinni við San Francisco Bay.

Frúnni var hent undir stýri á strætó til að ferja liðið til Stanford á meðan svilarnir reyndu fyrir sér í bílaviðskiptum.

Eiturhressir svilar eftir bílaviðskipti aldarinnar.

Börnin í Barnes Court

Allt að gerast

2006-08-11T20:17:00.000-07:00

50cent kominn í bæinn. Ef myndin prentast vel má sjá að hjólkopparnir snúast ennþá, löngu eftir að bifreiðin nam staðar.
Arnhildur vælandi af ánægju yfir garðinum, sem er hátt í 3 fermetrar.
Hildur búin að finna sér fermetra til að sofa á.
Viðar plataði Borghildi í smá "In-N-Out".
Litlu systkinin fá stuðning hvort hjá öðru í brjálæðinu.

Og margt og mikið er búið að gerast síðan við komum hingað :) Meðal annars að kaupa svartan bíl , Ford Expedition - beint úr kassanum og líka DVD í bílnum :) og auðvitað leður í sætunum :)
Svo erum við nú líka búin að fara í Ikea svona fimm sinnum og eyða svona sirkabát 7-9 klst. þarna inni.
Svo var Viðar að klára að setja sófann okkar saman hérna þannig stofan er strax orðin betri :)
Og öll erum við komin á hjól nema Hildur eldri... þannig við getum hjólað í skólann og svol. :)

Adda.

2006-08-11T00:12:00.000-07:00

Síðustu dagar hafa verið of hectic til þess að við gætum bloggað. Svo er alveg eins gott að kíkja á bloggið hjá Grímönnu, gayvis.blogspot.com. Þau segja líka svo skemmtilega frá.

Við erum alla vega komin til Stanfjord.

Allt að verða kreizí.

2006-07-22T10:11:00.000-07:00

Kveðjupartí á Barðaströnd 4 í kveld....